काळभैरव आरती (चाल - आरती सप्रेम)
आरती ओवाळू भावे, काळभैरवाला ॥
दीनदयाळा भक्तवत्सला, प्रसन्न हो मजला ॥
देवा, प्रसन्न हो मजला ॥धृ०॥
धन्य तुझा अवतार जगीं या, रौद्ररूपधारी ।
उग्र भयंकर भव्य मूर्ति परि, भक्तांसी तारी ।
काशीक्षेत्री वास तुझा तू, तिथला अधिकारी ।
तुझिया नामस्मरणे पळती, पिशाच्चादि भारी ॥
पळती, पिशाच्चादि भारी ॥आरती०॥१॥
उपासकां वरदायक होसी, ऐसी तव कीर्ती ।
क्षुद्र जीव मी अपराधांना, माझ्या नच गणती ।
क्षमा करावी कृपा असावी, सदैव मजवरती ।
मिलिंदमाधव म्हणे देवा, घडो तुझी भक्ती ।
देवा, घडो तुझी भक्ती । आरती० ॥२॥
Search
Search here.