श्रीयोगेश्र्वरी सहस्त्रनाम श्रीगणेशायनमः ॥ श्रीयोगेश्र्वर्यैनमः ॥ अथ मूल मंत्रः ॐ र्‍हीं नमो भगवति रक्तचामुंडे योगेश्र्वरी, योगिनीं र्‍हीं स्वाहा इति मंत्रः । रक्तचामुंडायै विद्महे भूत संहारिण्यै च धीमहि । तन्नो योगेश्र्वरी प्रचोदयात् ॥ गुह्यातिगुह्यगोप्त्री त्वं गृहाणास्मत्कृतं जपं । सिद्धिर्भवतु मे देवी त्वत्प्रसादात्त्वयि स्थितिः । लं, हं, यं, रं, वं । अथ महामंत्रः ॐ अस्य योगेश्र्वरी महामन्त्रस्य महादेव ऋषिः । अनुष्टुप् छंदः । श्री योगेश्र्वरी देवता । र्‍हीं बीजम् । श्रीं शक्तिः । क्लीं कीलकम् । मम चतुर्विधपुरुषार्थ सिद्ध्यर्थे जपे विनियोगः । अथ न्यासः ॐ र्‍हीं अंगुष्ठाभ्यां नमः ।ॐ यं तर्जनीभ्यां नमः । ॐ यां मध्यमाभ्यां नमः । ॐ रुद्रदेवतायै अनामिकाभ्यां नमः । ॐ योगेश्र्वर्यै कनिष्ठिकाभ्यां नमः । ॐ स्वाहा करतलकर पृष्ठाभ्यां नमः । एवं हृदयादि न्यसेत् । अथ ध्यानम् ॐ देवी भक्तजनप्रियां सुवदनां खड्गं च पात्रं तथा । स्वर्णालङ्कृतलाङ्गलं सुमुसलं हस्तैर्दधानां श्रियम् ॥ विद्युत्कोटिरवीन्दुकान्ति धवलां दन्तासुरोन्मूलिनीं । ब्रह्मेन्द्राद्यभिवन्दितां च वरदां योगेश्र्वरीं संभजे ॥ १ ॥ लं पृथिव्यादि पंच मानसोपचारैः संपूज्य जपेत् ॐ लं पृथिव्यात्मने गन्धं परिकल्पयामि नमः ॐ हं आकाशात्मने पुष्पं परिकल्पयामि नमः ॐ यं वायव्यात्मने धूपं परिकल्पयामि नमः ॐ रं अग्न्यात्मने दीपं परिकल्पयामि नमः ॐ वं अमृतात्मने नैवेद्यं परिकल्पयामि नमः ॐ सं सर्वात्मने फलं तांबूलं दक्षणांच परिकल्पयामि नमः अथ मन्त्रः ॐ र्‍हीं यं यां रुद्रदेवतायै योगेश्र्वर्यै स्वाहा उत्तर न्यासं कृत्वा गुह्यातिगुह्यगोप्त्रीत्वं गृहाणास्मत्कृतं जपम् । सिद्धिर्भवतु मेदेवित्वत्प्रसादात्सुरेश्र्वरि ॥ इति ॐ ॐ ॐ अथ श्री योगेश्र्वरी सहस्त्रनाम प्रारंभः । ॐ या तुरीया परादेवी दोषत्रयविवर्जिता । सदानंदतनुः शांता सैवाहमहमेव सा ॥ १ ॥ यस्याः संस्मरणादेव क्षोयंते भवभीतयः । तां नमामि जगद्धात्रीं योगिनीं परयोगिनीम् ॥ २ ॥ महदादि जगद्यस्या जातं रज्जुभुजगंवत् । सा अंबापुरसंस्थाना पातु योगेश्र्वरी ॥ ३ ॥ सच्चिदानंदरुपाय प्रतीचेनंत रुपिणे । नमो वेदांतवेद्याय महसेमिततेजसे ॥ ४ ॥ श्री ईश्र्वर उवाच । यो नित्यं पुजयेद्देवीं योगिनीं योगवित्तमां । तस्यायुः पुत्रसौख्यं च विद्यादात्री भवत्यसौ ॥ ५ ॥ यो देवीभक्तिसंयुक्तस्तस्य लक्ष्मीश्च किंकरी । राजानो वश्यतां यांति स्त्रियो वै मदवोव्हलाः ॥ ६ ॥ यो भवानीं महामायां पूजयेन्नित्य मादृतः । ऐहिकं च सुखं प्राप्य परे ब्रह्मणि लीयते ॥ ७ ॥ श्रीविष्णुरुवाच । देव देव महादेव नीलकंठ उमापते । रहस्यं प्रष्टुमिच्छामि संशयोऽस्ति महामते ॥ ८ ॥ चराचरस्य कर्ता त्वं संहर्ता पालकस्तथा । कस्या देव्यास्त्वया शंभो क्रियतेस्तुतितन्वहम् ॥ ९ ॥ जप्यते परमो मंत्रो ध्यायते किं त्वया प्रभो । वद शंभो महादेव त्वतः का परदेवता ॥ १० ॥ प्रसन्नो यदि देवेश परमेश पुरातन । रहस्यं परया देव्या कृपया कथय प्रभो ॥ ११ ॥ विनायासं विनाजाप्यं विनाध्यानं विनार्चनम् । प्राणायामं विना होमं विनानित्योदितक्रियाम् ॥ १२ ॥ विनादानं विनागंधं विनापुष्पं विनाबलिम् । विनाभूतादिशुद्धि च यथा देवी प्रसीदति ॥ १३ ॥ ईति पृष्टस्तदा शंभुर्विष्णुना प्रभविष्णुना । प्रोवाच भगवान्देवी विकसन्नेत्र पंकजः ॥ १४ ॥ श्रीशिव उवाच । साधु साधु सुरश्रेष्ठ पृष्ठवानसि सांप्रतं । षण्मुखस्यापि यद्गोप्तं रहस्यं तद्वदामि ते ॥ १५ ॥ पुरा युगक्षये लोकान्कर्तुमिच्छुः सुरासुरम् । गुणत्रयमयी शक्तिश्चिद्रूपाद्या व्यवस्थिता ॥ १६ ॥ तस्यामहं समुत्पन्नो मत्तस्त्वं जगतःपिता । त्वत्तोब्रह्मा समुद्भूतो लोककर्ता महाविभुः ॥ १७ ॥ ब्रह्मणो ऋषयो जातास्तत्त्वैस्तैर्महादिभिः । चेतनेति ततः शक्तिर्मां काप्यालिंग्य तिष्ठति ॥ १८ ॥ आराधिता स्तुता सैव सर्वमंगलकारिणी । तस्यास्त्वनुग्रहादेव मया प्राप्तं परं पदम् ॥ १९ ॥ स्तौमि तां च महामायां प्रसन्ना च ततः शिवा । नामानि ते प्रवक्ष्यामि योगेश्र्वर्याः शुभानि च ॥ २० ॥ एतानि प्रपठेद्विद्वान्नमोंतानि सुरेश्वर । तस्या स्तोत्रं महापुण्यं स्वयंकल्पात्प्रकाशितम् ॥ २१ ॥ गोपनीयं प्रयत्नेन पठनीयं प्रयत्नतः । तव तत्कथयिष्यामि श्रुत्वा तदवधारय ॥ २२ ॥ यस्यैककालपठनात्सर्वे विघ्नाः पलायितः । पठेसहस्त्रनामाख्यं स्तोत्रं मोक्षस्य साधनम् ॥ २३ ॥ प्रसन्ना योगिनी तस्य पुत्रत्वेनानुकल्पते । यथा ब्रह्मामृतैर्ब्रह्मकुसुमैः पूजितापरा ॥ २४ ॥ प्रसीदति तथा तेन श्रुत्वा देवी प्रसीदति । अस्य श्री योगेश्र्वरी सहस्त्रनामस्तोत्रमंत्रस्य श्रीमहादेव ऋषिः । अनुष्टुप छंदः । श्रीयोगेश्र्वरी देवता । मम सकलकामना सिद्धर्थं अंबापुरवासिनी प्रीत्यर्थं सहस्त्रनाम स्तोत्र जपे विनियोग । अथन्यासः ॐ र्‍हीं अंगुष्ठाभ्यां नमः । ॐ यं तर्जनीभ्यां नमः । ॐ यां मध्यमाभ्यां नमः । ॐ रुद्रदेवतायै अनामिकाभ्यां नमः । ॐ योगेश्र्वर्यै कनिष्ठिकाभ्यां नमः । ॐ स्वाहा करतलकरपृष्ठाभ्यां नमः । एवंहृदयादि षडंगन्यासः । ॐ र्‍हीं हृदयाय नमः । ॐ यं शिरसे स्वाहा । ॐ यां शिखायै वषट् । ॐ रुद्रदेवत्यायै कवचायहुं । ॐ योगेश्र्वर्यै नेत्रत्रयाय वौषट् । ॐ स्वाहा अस्त्राय फट् । ॐ भूर्भुवस्वरोमिति दिग्बंधः । अथ ध्यानं । ॐ कालाभ्राभ्यां कटाक्षैरलिकुलभयदां मौलिबद्धेंदुरेखां । शंखं चक्रं कपालं डमरुमपि करैरुद्वहंतीं त्रिनेत्रां । सिंहस्कंधाधिरुढां त्रिभुवनमखिलं तेजसा पूरयंतीं, ध्यायेदंबां जयाख्यां त्रिदशपरिणतां सिद्धिकामो नरेंद्रः ॥ १ ॥ अथ सहस्त्रनाम स्तवनम् । ॐ योगिनी योगमाया च योगपीठस्थितिप्रिया । योगिनो योगदीक्षाच योगरुपाच योगिनी ॥ १ ॥ योगगम्या योगरता योगीहृदयवासिनी । योगस्थिता योगयुता योगमार्गरता सदा ॥ २ ॥ योगेश्र्वरी योगनिद्रा योगदात्री सरस्वती । तपोयुक्ता तपःप्रितिः तपःसिद्धिप्रदापरा ॥ ३ ॥ निशुंभशुंभसंहत्रीं रक्तबीज विनाशिनी । मधुकैटभहंत्री च महिषासुरघातिनी ॥ ४ ॥ शारदेंदुप्रतीकाशा चंद्रकोटिप्रकाशिनी । महामाया महाकाली महामारी क्षुधातृषा ॥ ५ ॥ निद्रातृष्णा चैकवीरा कालरात्रीर्दुरत्यया । महाविद्या महावाणी भारतीवाक् सरस्वती ॥ ६ ॥ आर्या ब्राह्मी महाधेनुर्वेदगर्भा च धीश्वरी । कराला विकरालाख्या अतिकालातिदीपका ॥ ७ ॥ एकलिंगा योगिनी च डाकिनी भैरवी तथा । महाभैरवकेंद्राक्षी त्वसितांगी सुरेश्वरी ॥ ८ ॥ शांति चंद्रार्धमाकर्षी कलाकांति कलानिधीः । सर्वसंक्षोभिणी शक्तिः सर्वाल्हादकरी प्रिया ॥ ९ ॥ सर्वाकर्षिणिकाशक्तिः सर्वविद्राविणी तथा । सर्वसंमोहिनीशक्तिः सर्वस्तंभनकारिणी ॥ १० ॥ सर्वजृंभनिका नाम शक्तिः सर्ववशंकरी । महासौभाग्यगंभीरा पीनवृत्तघनस्तनी ॥ ११ ॥ रत्नपीठाविनिक्षिप्ता साधकेप्सितभूषणा । नानाशस्त्रधरादिव्या वसतीहर्षितानना ॥ १२ ॥ खड्गपात्र धरादेवी दिव्यवस्त्रा च योगिनी । सर्वसिद्धिप्रदादेवी सर्वसंपत्प्रदानता ॥ १३ ॥ सर्वप्रियंकरीचैव सर्वमंगलकारिणी । सा वैष्णवी सैव शैवी महारौद्री शिवा क्षमा ॥ १४ ॥ कौमारी पार्वती सैव सर्वमंगलदायिनी । ब्राह्मी माहेश्वरी चैव कौमारी वैष्णवी परा ॥ १५ ॥ वाराही चैव माहेंद्री चामुंडा सर्वदेवता । अणिमा महिमा सिद्धिर्लघिमा शिवरुपिका ॥ १६ ॥ वशित्वसिद्धिः प्राकाम्या भुक्तिरिच्छाष्टमी परा । सर्वांकर्षणिकाशक्तिः सर्वाल्हादकरी प्रिया ॥ १७ ॥ सर्वसंमोहिनीशक्तिः सर्वस्तंभनकारिणी सर्वजृंभनिका नाम शक्तिः सर्ववशंकरी ॥ १८ ॥ सर्वार्थरंजिनीशक्तिः सर्वमोदनकारिणी । सर्वार्थसाधकीशक्तिः सर्वसंपत्तिपूरकी ॥ १९ ॥ सर्वमंत्रमयीशक्तिः सर्वद्वद्वक्षयंकरी । सर्वकामप्रदादेवी सर्वदुःखप्रमोचनी ॥ २० ॥ सर्वमृत्युप्रशमनी सर्वविघ्ननिवारिणी । सर्वांगसुंदरादेवी सर्वसौभाग्यदायिनी ॥ २१ ॥ सर्वरक्षाकरीदेवी अक्षवर्णविराजिता । नोमितां जगतां धात्री योगनिद्रास्वरुपिणीम् । सर्वस्याद्या विशालाक्षी नित्या बुद्धिःस्वरुपिणी ॥ २२ ॥ श्वेतपर्वतसंकाशा श्वेतवस्त्रा महासती । नीलहस्ता रक्तमध्या सुश्वेतस्तनमंडला ॥ २३ ॥ रक्तपादा नीलजंघा सिचित्रजघना विभो । चित्रमाल्यांबरधरा चित्रगंधानुलेपना ॥ २४ ॥ जपाकुसुमवर्णाभा रक्तांबरविभूषणा । रक्तायुधा रक्तनेत्रा रक्तकुंचितमूर्घना ॥ २५ ॥ सर्वस्याद्या महालक्ष्मीनित्याबुद्धिस्वरुपिणी । चतुर्भुजा रक्तदंता जगद्व्याप्यव्यवस्थिता ॥ २६ ॥ नीलांजनचयप्रख्या महाद्रंष्टा महानना । विस्तीर्णलोचनादेवी वृत्तपीनपयोधरा ॥ २७ ॥ एकवीरा कालरात्रिः सैवोक्ता कामदा स्तुता । भीमा देवीति संपूज्या चैत्रपुत्र प्रदायिनी ॥ २८ ॥ या सात्त्विकगुणा प्रोक्ता मायाविष्टसरस्वती । सा देवकार्यवसति स्वरुपमपरं दधौ ॥ २९ ॥ देवस्तुता तदा गौरी स्वदेहात्तरुणीं सृजत् । ख्याता वै कौशिकी देवी ततः कृष्णाभवत्सती ॥ ३० ॥ हिमाचलकृतस्थाना कालिकेति च विश्रुता । महासरस्वतीदेवी शुंभसुरनिबर्हिणी ॥ ३१ ॥ श्वेतपर्वतसंकाशा श्वेतवस्त्राविभूषणा । नानारत्नसमाकीर्णा वेदविद्याविनोदिनी ॥ ३२ ॥ शस्त्रव्रातसमायुक्ता भारती सा सरस्वती । वागीश्वरी पीतवर्णा सैवोक्ता कामदालया ॥ ३३ ॥ कृष्णवर्णा महालंबा नीलोत्पलविलोचनी । गंभीरनाभिस्त्रिवली विभूषिततनूदरी ॥ ३४ ॥ सुकर्कशा चंद्रभासा वृत्तपीनपयोधरा । चतुर्भुजा विशालाक्षी कामोनीपद्मलोचना ॥ ३५ ॥ शाकंभरी समाख्याता शताक्षी वनशंकरी । त्रिपुरा विजया भीमा तारा त्रैलोक्यसुंदरी ॥ ३६ ॥ शांभवी त्रिजगन्माता स्वरात्रिपुरसुंदरी । कामाक्षी कमलाक्षी च धृतिस्त्रिपुरतापिनी । शुचौ शाकंबरीदेवी पूजनीया प्रयत्नतः ॥ ३७ ॥ जया जयंर्गती शिवदा जलेशी च रणप्रिया । गजवक्रा त्रिनेत्रा च शंखिनी चापराजिता ॥ ३८ ॥ महिषघ्नी शुभानंदा स्वधा स्वाहा शिवासना । विद्युज्जिव्हा त्रिवका च चतुर्वक्रा सदाशिवा । कोटराक्षी शिखिरवा त्रिपदा सर्वमंगला । मयुरवदनासिद्धिर्बुद्धिः काकरवासती ॥ ३९ ॥ हुंकार तालकेशी च सर्वतारा च सुंदरी । सर्पास्या च महाजिव्हा पाशपाणिर्गरुत्मती ॥ ४० ॥ पद्मावती सुकेशी च पद्मकेशी क्षमावती । पद्मावती सुरमुखी पद्मवक्रा षडानना ॥ ४१ ॥ त्रिवर्गफलदा माया रक्षोघ्नी पद्मवासिनी । प्रणवेशी महोल्काभा विघ्नेशीस्तंभनी खला ॥ ४२ ॥ मातृकावर्णरुपा च अक्षरोच्चारिणी गृहा । अजपा मोहिनी श्यामा जपरुपा बलोत्कटा ॥ ४३ ॥ वाराही वैष्णवी जंभा वार्ताली दैत्यतापिनी । क्षेमंकरी सिद्धिकरी बहुमाया सुरेश्र्वरी ॥ ४४ ॥ छिन्नमूर्धा छिन्नकेशी दानवेंद्रक्षयंकरी । शाकंभरी मोक्षलक्ष्मीर्जंभिनी बगलामुखी ॥ ४५ ॥ अश्वारुढा महाक्लिन्ना नारसिंही गजेश्र्वरी । सिद्धेश्र्वरी विश्वदुर्गा चामुंडा शववाहना ॥ ४६ ॥ ज्वालामुखी कराली च चिपटा खेचरेश्र्वरी । शुंभघ्नी दैत्यदर्पघ्नी विंध्याचलनिवासिनी ॥ ४७ ॥ योगिनी च विशालाक्षी तथा त्रिपुरभैरवी । मातंगिनी करालाक्षी गजारुढा महेश्र्वरी ॥ ४८ ॥ पार्वती कमलालक्ष्मीः श्वेताचलनिभात्द्युमा । कात्यायनी शंखरवा धुर्धुरा सिंहवाहिनी ॥ ४९ ॥ नारायणीश्वरी चंडी घंटाली देवसुंदरी । विरुपावामनी कुब्जा कर्णकुब्जा घनस्तनी ॥ ५० ॥ नीला शाकंभरी दुर्गा सर्वदुर्गार्तिहारिणी । द्रंष्ट्राकितमुखा भीमा नीलपत्रशिरोधरा ॥ ५१ ॥ महिषघ्नी महादेवी कुमारी सिंहवाहिनी । दानवांस्तर्जयंती च सर्वकामदुधा शिवा ॥ ५२ ॥ कन्या कुमारिका चैव देवेशी त्रिपुरा तथा । कल्याणी रोहिणी चैव कालिका चंडिका परा ॥ ५३ ॥ शांभवी चैव दुर्गा च सुभद्रा च यशस्विनी । कलात्मिका कलातीता कारुण्यहृदयाशिवा ॥ ५४ ॥ कारुण्यजननी नित्या कल्याणी करुणाकरा । कामाधारा कामरुपा कालदंड स्वरुपिणी ॥ ५५ ॥ कामदा करुणाधारा कालिका कामदा शुभा । चंडवीरा चंडमाया चंडमुंडविनाशिनी ॥ ५६ ॥ चंडिका शक्तिरत्युग्रा चंडिका चंडविग्रहा । गजानना सिंहमुखी गृध्रास्या च महेश्र्वरी ॥ ५७ ॥ उष्ट्रग्रीवा हयग्रीवा कालरात्रिर्निशाचरी । कंकाली रौद्रचीत्कारी फेत्कारी भूतडामरी ॥ ५८ ॥ वाराही शरभास्या च प्रेताक्षी मांसभोजनी । कंकाली डाकिनीकाली शुल्कांगीकलहप्रिया ॥ ५९ ॥ उलूकिका शिवारावा धूम्राक्षी चित्रनादिनी । उर्ध्वकेशी भद्रकेशी शवहस्तांत्रमालिनी ॥ ६० ॥ कपालहस्ता रक्ताक्षी श्येनी रुधिरदायिनी । खड्गिनी दीर्घलंबोष्ठी पाशहस्ता बलाकिनी ॥ ६१ ॥ काकतुंडा पाशहस्ता धूर्जटी विषभक्षिणी । पशुघ्नी पापहंत्री च मयूरी विकटानना ॥ ६२ ॥ भयविध्वंसिनी चैव प्रेतास्या प्रेतवाहिनी । कोटराक्षी लसज्जिव्हा अष्टवक्रा सुरप्रिया ॥ ६३ ॥ व्यात्तास्या धूमनिःश्वासा त्रिपुरा भुवनेश्र्वरी । बृहत्तुंडा दंडहस्ता प्रचंडा चंडविक्रमा ॥ ६४ ॥ स्थूलकेशी बृहत्कुक्षी यमदूती करालिनी । दशवक्रा दशपदा दशहस्ता विलासिनी ॥ ६५ ॥ अनाद्यंतस्वरुपा च क्रोधरुपा मनोगति । मनःश्रुतिस्मृतिघ्राणचक्षुस्त्वग्रसनात्मिका ॥ ६६ ॥ योगिनीमानसंस्था च योगिसिद्धिप्रदायिका । उग्रिणी उग्ररुपा च उग्रतारा च उग्रिणी ॥ ६७ ॥ उग्ररुपधरा चैव उग्रेशी उग्रवासिनी । भीमा च भीमकेशी च भीममूर्तिश्च भामिनी ॥ ६८ ॥ भीमा च भीमरुपा च भीमरुपा जगन्मया । खड्गिन्यभयहस्ता च घंटाडमरुधारिणी ॥ ६९ ॥ पाशिनी नागहस्ता च योनिन्यंकुशधारिणी । यज्ञा च यज्ञमूर्तिश्च दक्षयज्ञविनाशिनी ॥ ७० ॥ यज्ञदीक्षा धरादेवी यज्ञसिद्धिप्रदायिनी । हिरण्यबाहुचरणा शरणागतपालिनी ॥ ७१ ॥ अनाम्न्यनेक नाम्नीच निर्गुणा च गुणात्मिका । नमो जगत्प्रतिष्ठा च सर्वकल्याणमूर्तिनी ॥ ७२ ॥ ब्रह्मादिसुर वंद्या च गंगाधरजटास्थिता । महामोहा महादीप्ति सिद्धिर्विद्या च योगिनी ॥ ७३ ॥ योगिनी चंडिका सिद्धा सिद्धसिद्धा शिवप्रिया । शरयूर्गोमती भीमा गौतमी नर्मदा मही ॥ ७४ ॥ भागीरथी च कावेरी त्रिवेणी गंदकी शरा । सुषुप्तिर्जागृतिर्निद्रा स्वप्नातुर्या च चक्रिणी ॥ ७५ ॥ अहिल्यारुंधती चैव तारा मंदोदरी तथा । देवी पद्मावती चैव त्रिपुरेशस्वरुपिणी ॥ ७६ ॥ एकवीरा महादेवी कनकाद्याश्चदेवता । शूलिनी परिघास्त्रा च खड्गिन्याबाह्यदेवता ॥ ७७ ॥ कौबेरी धनदा याम्याग्नेयी वायुतनुर्निशा । ईशानी नैर्ऋतिः सौम्या माहेंद्री वारुणी तथा ॥ ७८ ॥ सर्वर्षिःपूजनीयांघ्रिः सर्वयंत्राधिदेवता । सप्तधातुमयीमूर्तिः सप्तधात्वंतराश्रया ॥ ७९ ॥ देहपुष्टिर्मनस्तुष्टिरत्नपुष्ठिर्बलोद्धता । तपोनिष्ठा तपोयुक्ता तापसःसिद्धिदायिनी ॥ ८० ॥ तपस्विनी तपःसिद्धिः तापसी च तपःप्रिया । औषधी वैद्यमाता च द्रव्यशक्तिःप्रभाविनी ॥ ८१ ॥ वेदविद्या च विद्या च सुकुला कुलपूजिता । जालंधरशिरःछेत्री महर्षिहितकारिणी ॥ ८२ ॥ योगनीतिर्महायोगा कालरात्रिर्महारवा । अमोहा च प्रगल्भा च गायत्रीहरवल्लभा ॥ ८३ ॥ विप्राख्या व्योमकारा च मुनिविप्र प्रियासती । जगत्कीर्तिर्जगत्कारी जगश्वासा जगन्निधिः ॥ ८४ ॥ जगत्प्राणा जगद्दंष्ट्रा जगज्जिव्हा जगद्रसा । जगचक्षुर्जगत्घ्राणा जगच्छोत्रा जगन्मुखा ॥ ८५ ॥ जगच्छत्रा जगद्वक्रा जगद्भर्त्रीजगत्पिता । जगत्पत्नी जगन्माता जगद्धात्री जगत्सुहृत् ॥ ८६ ॥ जगद्धात्री जगत्प्राणा जगद्योनिर्जगन्मती । सर्वस्तंभी महामाया जगद्दीक्षाजया तथा ॥ ८७ ॥ भक्त्यैयलक्ष्या द्विविधा त्रिविधा च चतुर्विधा । इंद्राक्षी पंचरुपा च सहस्त्ररुपधारिणी ॥ ८८ ॥ मूलादिवासिनी चैव अंबापुर निवासिनी । नवकुंभा नवरुचिः कामज्वाला नवानना ॥ ८९ ॥ गर्भज्वाला तथा बाला चक्षुर्ज्वाला नवांबरा । नवरुपा नवकला नवनाडी नवानना ॥ ९० ॥ नवक्रीडा नवविधा नवयोगिनिका तथा । वेदविद्या महाविद्या विद्यादात्री विशारदा ॥ ९१ ॥ कुमारी युवती बाला कुमारीव्रत चारिणी । कुमारी भक्तसुखिनी कुमारीरुपधारिणी ॥ ९२ ॥ भवानी विष्णुजननी ब्रह्मादिजननी परा । गणेशजननी शक्तिः कुमारजननीशुभा ॥ ९३ ॥ भाग्याश्रया भगवती भक्ताभीष्टप्रदायिनी । भगात्मिका भगाधारा रुपिणी भगमालिनी ॥ ९४ ॥ भवरोगहरा भव्या सुभ्रुःपरममंगला । शर्वाणी चपलापांगी चारुचंद्राकलपरा ॥ ९५ ॥ विशालाक्षी विश्वमाता विश्ववंद्या विलासिनी । शुभप्रदा शुभावार्ता वृत्तपीनपयोधरा ॥ ९६ ॥ अंबासंसारमथिनी मृडानी सर्वमंगला । विष्णुसंसेविता शुद्धाब्रह्मादिसुरसेविता ॥ ९७ ३ परमानंदशक्तिश्च परमानंदरुपिणी । परमानंदजननी परमान्नंदप्रदायिनी ॥ ९८ ॥ परोपकारनिरता परमाभक्तवत्सला । आनंदभैरवी बाला भैरवी बटुभैरवी ॥ ९९ ॥ श्मशान भैरवी काली भैरवी रुरुभैरवी ॥ १०० ॥ पूर्णचंद्राभवदना पूर्णचंद्रनिभांशुका । शुभलक्षणसंपन्ना शुभानंतगुणार्णवा ॥ १०१ ॥ शुभसौभाग्यनिलया शुभाचाररताप्रिया । सुखसंभोगभवना सर्वसौख्यनिरुपिणी ॥ १०२ ॥ अवलंबा तथा वाग्मी प्रवरा वाद्यवादिनी । घूर्णादिपट्टला कोपादुतीर्णकुटिलानना ॥ १०३ ॥ पापदा पापनाशा च ब्रह्माग्नीशापमोचनी । सर्वातीता च उच्छिष्टा चांडाली परिघायुधा ॥ १०४ ॥ ॐ कारी वेदकारी च र्‍हींकारी सकलगमा । यंकारी चर्चिता चर्ची चर्चिता चक्ररुपिणी ॥ १०५ ॥ महाव्याधवरारोहा धनुर्बाणधरा धरा । लंबिनी च पिपासा च क्षुधा संदेशिका तथा ॥ १०६ ॥ भुक्तिदा मुक्तिदा देवी सिद्धिदा शुभदायिनी । सिद्धिदा बुद्धिदा माता वर्मिणी फलदायिनी ॥ १०७ ॥ चन्डिका चन्डमथिनी चंडदर्पनिवारिणी । चंडमार्तंडनयना चंद्राग्निनयना सती ॥ १०८ ॥ सर्वांगसुंदरी रक्ता रक्तवस्त्रोत्तरीयका । जपापावकसिंदुरा रक्तचंदनधारिणी ॥ १०९ ॥ कर्पूरागरुकस्तूरीकुंकुमद्रवलेपिनी । विचित्ररत्नपृथिवी कल्मषांघ्रीतलास्थिता ॥ ११० ॥ भगात्मिका भगाधारा रुपिणी भगमालिनी । लिंगाभिधायिनी लिंगप्रियलिंगानिवासिनी ॥ १११ ॥ भगलिंगस्वरुपा च भगलिंगसुखावहा । स्वयंभूकुसुमप्रीता स्वयंभूकुसुमार्चिता ॥ ११२ ॥ स्वयंभुकुसुमस्नाता स्वयंभूपुष्पतर्पिता । स्वयंभूपुष्पतिलका स्वयंभूपुष्पधारीणी ॥ ११३ ॥ पुंडरीककरा पुण्या पुण्यदा पुण्यरुपिणी । पुण्यज्ञेया पुण्यवंद्या पुण्यमूर्तिः पुरातना ॥ ११४ ॥ अनवद्या वेदवेद्या वेदवेदांतरुपिणी । मायातीता सृष्टमाया माया धर्मात्मवंदिता ॥ ११५ ॥ असृष्टा संगरहिता सृष्टिहेतुः कपर्दिनी । वृषारुढा शूलहस्ता स्थितिसंहारकारिणी ॥ ११६ ॥ मंदस्थितिः शुद्धरुपा शुद्धचित्तमुनिस्तुता । महाभाग्यवती दक्षा दक्षाध्वर विनाशिनी ॥ ११७ ॥ अपर्णानन्यशरणा भक्ताभीष्टफलप्रदा । नित्या सुंदरसर्वांगी सच्चिदानंदलक्षणा ॥ ११८ ॥ कामजा केलिका केलि कर्षा कर्बुरकालजा । गिरिजागर्वजा गोत्रा अकुला कुलजा तथा ॥ ११९ ॥ दिनजा दिनमाता च वेदजा वेदसंभृता । क्रोधजा कुटजा धारा परमा बलगर्विता ॥ १२० ॥ सर्वलोकोत्तरा भावा सर्वकालोद्भवात्मिका । कुंडगोलोद्भवा प्रीता कुंडगोलोद्भवात्मिका ॥ १२१ ॥ कुंदपुष्पसदाप्रीति पुष्पगोलसदारतिः । शुक्रमूर्तिः शुक्रदेहा शुक्रपुजितमूर्तिनी ॥ १२२ ॥ विदेहा विमला शुक्रा चौंडा कर्नाटकी तथा । त्रिमाता उत्कला मौंडी विरेखा वीरवंदिता ॥ १२३ ॥ शामला गौरवी पीना मागधेश्वर वंदिता । पार्वती कर्मनाशा च कैलासवासिका तथा ॥ १२४ ॥ शालिग्रामशिला माली शार्दूला पिंगकेशिनी । नारदा शारदा चैव रेणुका गगनेश्वरी ॥ १२५ ॥ धेनुरुपा रुक्मिणी च गोपिका यमुनाश्रया । सुकंठा कोकिला मेना चिरानंदा शिवात्मिका ॥ १२६ ॥ कंदर्पकोटिलावण्या सुंदरा सुंदरस्तनी । विश्वपक्षा विश्वरक्षा विश्वनाथ प्रियासती ॥ १२७ ॥ योगिनी योगयुक्ता च योगांगध्यानशालिनी । योगट्टधरा मुक्ता मुक्तानांपरामागतिः ॥ १२८ ॥ कुरुक्षेत्रवती काशि मथुरा कांत्यवंतिका । अयोध्या द्वारका माया तीर्था तीर्थकरीप्रिया ॥ १२९ ॥ त्रिपुष्करा प्रमेया च कोशस्था कोशवासिनी । कुशावर्ता कौशिकी च कोशांबा कोशवर्धिनी ॥ १३० ॥ पद्मकोशा कोशदाक्षी कुसुंभकुसुमप्रिया । तुलाकोटि च काकुत्स्था कुक्कुटा च रवाश्रया ॥ १३१ ॥ ॐ र्‍हीं यं यां रुद्र दैवत्यायै योगेश्वर्ये स्वाहा । पुत्रदा पौत्रदा पौत्री दिव्यादा दिव्यभोगदा ॥ १३२ ॥ स्त्रुक्स्त्रुवा सामिधेनी च सुश्रद्धा श्राद्धदेवता । माता मातामही तृप्तिः पितुर्माता पितामही ॥ १३३ ॥ स्नुषा दौहित्रिणी पुत्री दोलाक्रीडाभिनंदिनी । पोषिणीशोषिणीशक्तिर्दीर्घकेशी सुलोमशा ॥ १३४ ॥ सप्ताब्धिसंश्रयानित्या सप्तद्विपाब्धिमेखला । सूर्यदीप्तिर्वज्रशक्तिर्मदोन्मत्ता च पिंगला ॥ १३५ ॥ सुचक्रा चक्रमध्यस्था चक्रकोणनिवासिनी । सर्वमंत्रमयी विद्या सर्वमंत्राक्षरावरा ॥ १३६ ॥ सर्वज्ञदा विश्वमाता भक्तानुग्रहकारिणी । विश्वप्रिया प्राणशक्तिर्नंतगुणनामधीः ॥ १३७ ॥ पंचाशद्विष्णुशक्तिश्च पंचाशन्मातृकामयी । द्विपंचाशद्वपुश्रेणी त्रिषष्ट्यक्षरसंश्रया ॥ १३८ ॥ चतुःषष्टिमहासिद्धिर्योगिनी वृंदवंदिनी । चतुःषड्वर्णनिर्णेयी चतुःषष्टिकलानिधिः ॥ १३९ ॥ अष्टषष्टिमहातीर्थक्षेत्रभैरववासिनी । चतुर्नवतिमंत्रात्मा षण्णवत्याधिकाप्रिया ॥ १४० ॥ सहस्त्रपत्रनिलया सहस्त्रफणिभूषणा । सहस्त्रनामसंस्तोत्रा सहस्त्रक्षबलापहा ॥ १४१ ॥ प्रकाशाख्या विशालाक्ष्या प्रकाशिकविमर्शका । निर्वाणचरणदेवी चतुश्चरणसंज्ञका ॥ १४२ ॥ चतुर्विज्ञानशक्त्याढ्या सुभगा च क्रियायुता । स्मरेशा शांतिदा इच्छा इच्छाशक्तिसमन्विता ॥ १४३ ॥ निशांबरा च राजन्यपूजिता च निशाचरी । सुंदरी चौर्ध्वकेशी च कामदा मुक्तकेशिका ॥ १४४ ॥ मानिनीतिसमाख्याता वीराणांजयदायिनी । यामलीति समाख्याता नासाग्रबिंदुमालिनी ॥ १४५ ॥ या कंका च करालांगी चंद्रकाला च संश्रया । चक्रिणी शंखिनी रौद्रा एकपादा त्रिलोचना ॥ १४६ ॥ भीषणीर्भैरवी भीमा चंद्रहासा मनोरमा । विश्वरुपा महादेवी घोररुपा प्रकाशिका ॥ १४७ ॥ कपालमालिकायुक्ता मूलपीठस्थिता रमा । योगिनी विष्णुरुपा च सर्वदेवर्षिपूजिता ॥ १४८ ॥ सर्वतीर्थपरादेवी तीर्थदक्षिणतःस्थिता । श्रीसदाशिवउवाच । दिव्यनाम सहस्त्रं ते योगेश्वर्यामयोदितं ॥ १४९ ॥ यः पठेत्पाठयेद्वापि स मुक्तो नात्र संशयः । अष्टम्यां भूतपौर्णम्यां नवम्यां दर्शभौमयोः ॥ १५० ॥ अयनेषूपरागे च पुण्यकाले विशेषतः । सर्वसौभाग्यसिद्धर्थं जपनीयं प्रयत्नतः ॥ १५१ ॥ सर्वाभिष्टकरं पुण्यं नित्यमंगलदायकं । इयं नामावली तुभ्यं मयाद्य समुदीरिता ॥ १५२ ॥ गोपनीया प्रयत्नेन नाख्येया च कदाचन । भक्ताय ज्येष्ठपुत्राय देयं शिष्याय धीमते ॥ १५३ ॥ आवहंतीतिमंत्रेण युक्तान्येतानि सादरं । यो जपेत्सततं भक्त्या सकामांल्लभतेध्रुवम् ॥ १५४ ॥ कार्याण्यावाहनादीनि देव्याशुचिरतात्मभिः । आवहंतीति मंत्रेण प्रत्येकं च यथाक्रमम् ॥ १५५ ॥ कर्तव्यं तर्पनं चापि तेन मंत्रेण मूलवत् । तदन्वितैश्च होमोपि कर्तव्यं स्तैश्च मूलतः ॥ १५६ ॥ एतानि दिव्य नामानिश्रुत्वा ध्यात्वाऽपि योनरः । ध्यात्वा देवीं च सततं सर्वकामार्थसिद्धये ॥ १५७ ॥ एतज्जपप्रसादेन नित्यतृप्तोवसाम्यहं । संतुष्टहृदयो नित्यं वसाम्यत्रार्चयं शिवाम् ॥ १५८ ॥ स्वापकाले प्रबोधे च यात्राकाले विशेषतः । तस्य सर्वभयं नास्ति रणे च विजयी भवेत् ॥ १५९ ॥ राजद्वारे सभास्थाने विवादे विप्लवे तथा । चोरव्याघ्रभयं नास्ति संग्रामे जयवर्धनम् ॥ १६० ॥ क्षयापस्मारकुष्ठादितापज्वर निवारणम् । महाज्वरं तथात्युग्रं शीतज्वरनिवारणम् ॥ १६१ ॥ दोषादिसंन्निपातं च रोगाणां हंति सर्वशः । भूतप्रेतपिशाचाश्च रक्षां कुर्वंतिसर्वशः ॥ १६२ ॥ जपेत्सहस्त्रनमाख्यं योगिन्याः सर्व कामदम् । यं यं चिंतयते कामं तं तं प्राप्नोति निश्चितम् ॥ १६३ ॥ त्रिकालमेककालं वा श्रद्ध्या प्रयतः पठेत् । सर्वान् रिपून्क्षणाज्जित्वा यः पुमांश्र्रियमाप्नुयात् ॥ १६४ ॥ डाकिनी शाकिनी चैव वेतालब्रह्मराक्षसां । कूष्मांडादिभयं सर्वं नश्यति स्मरणात्ततः ॥ १६५ ॥ वने रणे महाघोरे कारागृहनियंत्रके । सर्वसंकटनाशार्थं स्तोत्रपाठः सुसिद्धये ॥ १६६ ॥ वंध्या वा काकवंध्या वा मृतवंध्या च यांगना । श्रुत्वा स्तोत्रमिदं पुत्रांल्लभते चिरजीविनः ॥ १६७ ॥ स्वयंभुकुसुमैः शुक्रैः सुगंधिकुसुमान्वितैः । कुंकुमागरुकस्तुरीसिंदूरादिभिरर्चयेत् ॥ १६८ ॥ फलपुष्पादिभिर्युक्तैः मध्वाज्यैःपायसान्वितैः । पक्वाने षड्रसैर्भोज्यैः स्वाद्वंनैश्च चतुर्विधैः ॥ १६९ ॥ कुमारीं पूजयेत्भक्त्या ब्राह्मणांश्च सुवासिनीः । शक्तितो दक्षिणां दत्वा वासोलंकारभूषणैः ॥ १७० ॥ अनेन विधिना पूज्या देव्या संतुष्टकारकम् । सहस्त्रनामपाठात्तु कार्यसिद्धिर्नसंशयः ॥ १७१ ॥ रमाकांत सुराधीश प्रोक्तं गुह्यतरं मया । नासूयकाय वक्तव्यं न मूर्खायाततायिने ॥ १७२ ॥ सत्यं सत्यं पुनः सत्यं उध्दृत्य भुजमुच्यते । नानया सदृशी विद्या न देव्या योगिनी परा ॥ १७३ ॥ इति श्रीरुद्रयामले उत्तरखंडे देवीचरित्रे विष्णुशंकरसंवादे योगेश्र्वरीसहस्त्रनाम स्तोत्रं संपूर्णम् ॥