नारेश्वर, गुजराथ येथील प.पू. श्री रंगावधुत स्वामींची ही श्री रंग बावनी श्री रंग बावनी || ब्रम्हानंदि निमग्न शांत भगवन ज्ञानेश योगीश्वर | रेवातीरि निवासी संत हृदय श्रीदत्त सिद्धेश्वर || भावातीत भवाब्धितारक गुरु श्रीरंग स्वामी प्रभू | वासूदेव पदी सदा नत असे श्रीरंग भावे नमू || ||अवधूत चिंतन श्री | गुरुदेव दत्त || || सदा शुद्धचित्ती स्मरु रंग दत्त || ||ओम श्रीरंग प्रसन्नो अस्तु|| जय सद्गुरु रंगावधुता | नित्य निरामय श्रीदत्ता | मम माता तु बंधु पिता | सखा सोयारा हितकर्ता ||१|| सदैव वाहसि मम चिंता | तू माझा पालन कर्ता | अवखळ जरि भाविक परि | श्रद्धेने भजतात हरि ||२|| त्यांच्या कल्याणासाठी | संत महंताचे पोटी | निर्गुण होते साकार | परब्रम्ह घे अवतार ||३|| विठ्ठल बाबा तपोनिधान | रुक्मांबा सात्विक महान | केवळ त्यांना करुनि निमित्त | अवतरले प्रभू श्रीगुरुदत्त ||४|| शुद्धपक्ष कार्तिकांत | नवमि प्रदोष काळांत | प्रगटे गोध्रा गावांत | भाविक गुर्जर प्रांतात ||५|| पांडुरंग नामे नटला | नारेश्वराचा नाथ भला | ब्रम्हा शिव विष्णू अवतार | भक्तांना करण्या भवपार ||६|| शांत दांत योगी श्रेष्ठ | ब्रम्हनिष्ठ अन तपनिष्ठ | निबिडारण्यी वास करी | नारेश्वरी रेवा तिरी ||७|| स्वर्ग लोक पृथ्वी वरती | प्रांतोप्रांती ही ख्याती | सद्भक्तांना ये प्रचिती | नित्य दर्शनासी येती ||८|| भाविक श्रद्धेने करती | अनुष्ठान स्थानावरती | त्वरित तयांना फलप्राप्ती | आणि मिळते चिरशांती ||९|| चिन्मय मंगल नाम तुझे | दत्त दिगंबर दयानिधे | अपराधी मी पतित जरि | सेवक आश्रित तुझा परि ||१०|| अज्ञानी मी मूढ जरी | भक्त तुझा रे खरा परी | पूजातंत्रि अजाण जरे | भावे पूजा करी परी ||११|| श्रद्धेने भजतो नित्य | तव पदी स्थिर ठेउनी चित्त | लीले पूजा करिती |त्यांना होते तव प्राप्ती ||१२|| सकल मनेप्सित मिळताती | अंती मिळते मोक्षगती | श्रेष्ठी ऐसें वदताती | कोडे मज मी मंदमती ||१३|| फेडी माझी ही भ्रांती | तोवरी नसूदे विश्रांती | अगाध लिला तू करिशी | कुंठित मति वर्णायासी ||१४|| भवानी शंकर शास्त्रींना | पिंडित दर्शन दिलेस ना | कागद दिधले काकांना | यवन वेष तू धरुनी ना ||१५|| मग आत तू गप्प कसा | असशील येई त्वरे तसा | डायाभाईंचा विस्फोटक | जयाबेनचा आजार अंतक ||१६|| बाबुभाईंचा ताप भयंकर | घालविले तुज स्मरता सर्वर | मंगललालाकडे किती | जेउन उरले अन्न अती || १७|| ऐशा लिला नित्य किती | केल्या त्यांना नाही मिती | जे तुज श्रद्धेने भजती | त्यांना काय कमी जगती ||१८|| जीवन रंगी रंगविले | ज्यांनी त्यांना तू दिधले | सुख धन आणि जे भोग्य | यश किर्ती आयुरारोग्य ||१९|| मनकवडा म्हणतात तुला | जाणून दे मम मजसी मला | विनम्र लिंबाचे झाड | तुझ्या कृपे पाने गोड ||२०|| वृक्षलताही उद्धरती | म्हणूनी मजला नाही क्षिती | गाता तव मंगल कीर्ति | होईल आणि इच्छा पूर्ति ||२१|| सिद्धी सा-या होतील दास | करतील पायी नित्य निवास | पापे त्वरीत जळतील | वांछित प्राप्तही होईल ||२२|| विश्वासा या ठेवोनी | विनम्र भावे तव चरणी | आलो लोळत पतित जरी | शरणांगत मी मज तारी ||२३|| आता पाहू नको अंत | तारी मारी नसे खंत | मारशील तर कृपानिधी | होईल ऐसे तरि कधी ||२४|| विलंब आता कां करसी | कृपा करी झणि मजवरती | अवधूता रे अवधूता | नाही कशाची मज चिंता ||२५|| तव चरणी लोळण घेई | प्रसादकण तरि मज देई | योगी तारक पतितांचा | बोला जय रंग अवधूता ||२६||