जयजय महावीर धीर चिरंजिव

श्री हनुमंताची – मारुतीची आरती

जयजय महावीर धीर चिरंजिव, मारुती बलभीमा । जनकसुता-भय-शोक-निवारण, कपिगण-विश्रामा ।

दशकंधर पुर दाहक प्रियकर, दाशरथी रामा ॥ जय जय॥धृ.॥

जन्मतांचि पुढें नवल देखिलें, रक्‍तवर्ण नयनीं ।
बाळ क्षुधित तें फळ म्हणुनि बळें, झेंपावें गगनीं ।
ग्रहणकाळ खग्रास केतुवत, रवि घालि वदनीं ।
समर करुनि अरि अमर भासिले, करितां संग्रामा ॥ जय जय १॥

कडाडिलें ब्रह्मांड झोकितां, क्रोधें उड्‌डाण ।
क्षणमात्रें तळ मुळ उत्पाटुन, आणिला गिरि द्रोण ।
लक्ष्मणासह मृत रणकपिचा, जीवविला प्राण ।
खळ राक्षसकुळ सकळ धाडिलें, रविनंदन-धामा ॥जय जय २॥

वज्रतनू घनशाम विराजे, तेज प्रखर तरणी ।अटिव जेठि निट कटि कासूटी, कुंडलेंदु करणी ।मुगुट गळा हार भार डोलती, नुपुर द्वय चरणीं ।सजल नयन पुट जलज वदन शशि, सज्जन सप्रेमा ॥ जय जय ३॥

दुर्घट संकटें कोटि लोपतीं, देतां बुभुःक्कार ।करुणासागर नत जनिं वागवि, ब्रीद अहंकार ।विष्णुदास कर जोडुनि नमना, करि वारंवार । चरण गुणार्णव अगणित वर्णन, न कळे तव सीमा ॥ जय जय ४॥

Leave a Reply

Your email address will not be published. Required fields are marked *

error: Content is protected !!