श्रीकालभैरवस्तोत्रम

श्रीकालभैरवस्तोत्रम

अत्यंत सोपे सुलभ असे हे कालभैरवाचे स्तोत्र रोज श्रद्धा – भक्ति:पुर्वक पठण – श्रवण केल्याने अपमृत्यु , गंडांतर , बाधा पीडा यांची भीती नष्ट होऊन श्री शिवशंकर काळभैरवाची कृपा प्राप्त होते..

श्रीगणेशाय नमः

॥ देवा ऊचुः ॥

नमो भैरवदेवाय नित्यायानंदमूर्तये ।
विधिशास्त्रान्तमार्गाय वेदशास्त्रार्थदर्शिने ॥१॥

दिगंबराय कालाय नमः खट्‌वांगधारिणे ।
विभूतिविलसद्भालनेत्रायार्धेदुमालिने ॥२॥

कुमारप्रभवे तुभ्यं बटुकाय महात्मने ।
नमोऽचिंत्यप्रभावाय त्रिशूलायुधधारिणे ॥३॥

नमः खड्‌गमहाधारह्रतत्रैलोक्यभीतये ।
पूरितविश्वाविश्वाय विश्वपालाय ते नमः ॥४॥

भूतवासाय भूताय भूतानां पतये नमः ।
अष्टमूर्ते नमस्तुभ्यं कालकालाय ते नमः ॥५॥

कंकालायातिघोराय क्षेत्रपालाय कामिने ।
कलाकाष्ठादिरूपाय कालाय क्षेत्रवासिने ॥६॥

नमः क्षेत्रजिते तुभ्यं विराजे ज्ञानशालिने ।
विद्यानां गुरवे तुभ्यं विधीनां पतये नमः ॥७॥

नमः प्रपंचदोर्दंड दैत्यदर्प विनाशिने ।
निजभक्तजनोद्दाम हर्षप्रवरदायिने ॥८॥

नमो जंभारिमुख्याय नामैश्वर्याष्टदायिने ।
अनंतदुःख-संसारपारावारान्तदर्शिने ॥९॥

नमो जंभाय मोहाय द्वेषायोच्चाटकारिणे ।
वशंकराय राजन्यमौलिन्यस्त निजांध्रये ॥१०॥

नमो भक्तापदां हंत्रे स्मृतिमात्रार्थ दर्शिने ।
आनंदमूर्तये तुभ्यं श्मशाननिलयाय ते ॥११॥

वेतालभूतकूष्मांडग्रहसेवाविलासिने ।
दिगंबराय महते पिशाचाकृतिशालिने ॥१२॥

नमो ब्रह्मादिऽभिर्वंद्य पदरेणुवरायुषे ।
ब्रह्मादिग्रासदक्षाय निफलाय नमो नमः ॥१३॥

नमः काशीनिवासाय नमो दण्डकवासिने ।
नमोऽनंत प्रबोधाय भैरवाय नमो नमः ॥१४॥