श्री काळभैरव अष्टक स्तोत्र

|| श्री काळभैरव अष्टक स्तोत्र ||

ॐ नमः शिवाय .. श्री गणेशाय नमः ..

अङ्गसुन्दरत्व निन्दिताङ्ग जातवैभवम्
भृङ्गसर्व गर्वहारि देहकान्ति शोभितम्
मङ्गलौघ दानदक्ष पादपद्म संस्मृतिम्
शृङ्गशैल वासिनं नमामि कालभैरवम् || १ ||

पादनम्र मुकलोक वाक्प्रदान दीक्षितम्
वेदवेद्यमीश मोदवार्धिशुभ्रदीधितिम्
आदरेणदेवता भिरर्चिताङ्घ्रि पङ्कजम्
शृङ्गशैल वासिनं नमामि कालभैरवम् ||२ ||

अम्बुजाक्षमिन्दुवक्त्र मिन्दिरेशनायकम्
कम्बुकण्ठमिष्टदान धूतकल्पपादपम्
अम्बरादिभूतरुप मम्बरायिताम्बरम्
शृङ्गशैल वासिनं नमामि कालभैरवम् ||३ ||

मन्दभाग्यमप्यरं सुरेंद्रतुल्यवैभवम्
सुन्दरं च कामतोऽपि संविधाय संततम्
पालयन्तमात्मजातऽमादरात् पितायथा
शृङ्गशैल वासिनं नमामि कालभैरवम् ||४||

नम्रकष्ट नाशदक्षमष्ट सिध्दिदायकम्
कम्रहास शोभितुण्डमच्छगण्डदर्पणम्
कुन्दपुष्पमानचोर दन्तकान्तिभासुरम्
शृङ्गशैल वासिनं नमामि कालभैरवम् ||५ ||

काशिकादि दिव्यदेश वासलोल मानसम्
पाशि वायु किन्नरेश मुख्य दिग्धवार्चितम्
नाशिताघ वृन्दमन्घ्रि नम्रलोकयोगदम्
शृङ्गशैल वासिनं नमामि कालभैरवम् ||६||

सारमागमस्यतुङ्ग सारमेयवाहनम्
दारितान्तरान्ध्यमाशु नैवमन्त्रजापिनाम्
पूरिताखिलेष्टमष्ट मुर्तिदेह सम्भवम्
शृङ्गशैल वासिनं नमामि कालभैरवम् ||७||

कालभीतिवारणं कपालपाणिशोभितम्
खण्डितामरारिमिन्दु बालशोभि मस्तकम्
चण्डबुध्दि दानदक्षमक्षतात्मशासनम्
शृङ्गशैल वासिनं नमामि कालभैरवम् ||८||

श्री कालभैरवार्पणमऽस्तु ….