रेणुकाष्टक स्तोत्र2
। । रेणुकाष्टक स्तोत्र । ।
महाकाली अंबे। मज न विसंबे क्षणभरी।
हरी सारी माया । करुणी करुणा या करीधरी ।
न टाकी दासाला । हूरहूर मनाला गमतसे ।
मती अंबाबाई । सतत तव पाई रमतसे । । । १। ।
महालक्ष्मी देवी । तव विमल सेवीन चरण ।
मनी कष्टी झालो । म्हणूनी तुज आलोची शरण ।
प्रपंच आरण्य । निशीदिनी पहा हा भ्रमतसे ।
मती अंबाबाई । सतत तव पाई रमतसे । । । २। ।
न धाउनी येसी । खचित परदेशी तुजविने ।
तुझ्या पादस्पर्षे । लवभरिन भासे मज ऊणे ।
असावे मी श्री च्या जवळी । मनी वांच्छा वसतसे ।
मती अंबाबाई । सतत तव पाई रमतसे । । । ३ । ।
निदानी सोडोनी । जरी मम उपेक्षेसी करिसी ।
आपेक्ष्या सेवेची । मनी गणूनि कां मौंन धरिसी ।
न ही रिती बाई । तळमळत नाही मनकसे ।
मती अंबाबाई । सतत तव पाई रमतसे । । । ४। ।
न देसी दॄष्टांता । निरखिसी ममअंता किती तरी ।
नसो माया माझी । स्मृती परी असुदे अणूभरी ।
न माहूर प्राण्या । मुलीस जणु माहेर गवसे ।
मती अंबाबाई । सतत तव पाई रमतसे । । । ५ । ।
दया दृष्टि वर्षे । अमृत निधीभा जीवन कले ।
कृपा प्रेमी हर्षे । निर विशय का जीवन कले ।
तुझ्या सिद्धस्वामी । निजगुण अधिष्टान विलसे ।
मती अंबाबाई । सतत तव पाई रमतसे । । । ६। ।
भवानी श्री मातापूर गड निवासी भगवती
महराष्ट्रियांची कुलगती । कुलस्वामीनी रिती ।
अगा आई ओ देई । तव सगुण ते दर्शन तसे ।
मती अंबाबाई । सतत तव पाई रमतसे । । । ७। ।
कडे येगे माते । अभय कर देऊनी निरखी ।
जरी मी अन्याई । पतित करणे पावन सूखी ।
विधी , विष्णु , शंभू प्रभृती सूर रुपांत विलसे ।
मती अंबाबाई । सतत तव पाई रमतसे । । । ८। ।
। । इती श्री रेणुकाष्टक संपूर्ण । ।